ავიაკომპანია ბელავია – Belavia

რესპუბლიკური უნიტარული საწარმო „ეროვნული ავიაკომპანია „ბელავია“ (ბელარ. Рэспубліканскае унітарнае прадпрыемства «Нацыянальная авіякампанія „Белавія“) — ბელარუსის ეროვნული ავიაკომპანია. შტაბ-ბინა მდებარეობს დედაქალაქ მინსკში. ავიაკომპანია მთლიანად სახელმწიფოს საკუთრებაშია და წარმოადგენს ქვეყნის ფლაგმანს. ბელავიას ძირითადი მარშრუტები ევროპასა და დსთ-ის ქვეყნებს აკავშირებს, მაგრამ, გარდა ამისა, კომპანია რამდენიმე რეისს ახლო აღმოსავლეთის მიმართულებითაც ასრულებს. ავიაკომპანიის საბაზო აეროპორტია — მინსკის ეროვნული აეროპორტი.